„ქართული ოცნება - დემოკრატიული საქართველოს“ ყაზბეგის, დუშეთის, მცხეთისა და თიანეთის მაჟორიტარი დეპუტატობის კანდიდატმა შალვა კერესელიძემ საპარლამენტო არჩევნების მეორე ტურში საკუთარი არჩევანი დააფიქსირა. კანდიდატმა ხმა დუშეთის ნომერ მეორე სარჩევნო უბანზე მისცა.
შალვა კერესელიძის განცხადებით, მცხეთა-მთიანეთის რეგიონში არჩევნები თავისუფალ და დემოკრატიულ გარემოში მიმდინარეობს.
„საარჩევნო პროცესი თავისუფალ და დემოკრატიულ გარემოში მიმდინარეობს. მიუხედავად ქვეყანაში შექმნილი ეპიდემიოლოგიური სიტუაციისა, ამომრჩეველს შესაძლებლობა აქვს, საკუთარი არჩევანი გააკეთოს უსაფრთხო გარემოში. ამისთვის ყველა ზომაა მიღებული საარჩევნო უბნებზე. რაც შეეხება ჩემს არჩევანს, მე ხმა მივეცი დემოკრატიული ფასეულობების, სამართლიანობის, ეკონომიკურად ძლიერ ფუნდამეტზე აშენებულ ევროპულ, დასავლურ სახელმწიფოს, სახელმწიფოს და ადამიანებს, რომლებმაც იციან თავისუფლებისა და ღირსების ფასი. მე ხმა მივეცი ქვეყნის აღმშენებლობას, განვითერებასა და მშვიდ ქვეყანაში ცხოვრებას“, -განაცხადა კერესელიძემ.