17:00 საათის მონაცემებით, რუსთავი-გარდაბნის #12 მაჟორიტარულ ოლქში, საარჩევნო უბნებზე ამომრჩეველთა 22%- იანი აქტივობა დაფიქსირდა.
რუსთავის საოლქო საარჩევნო კომისიის თავმჯდომარის გაგა აფციაურის განაცხადებით, 17:00 საათის მონაცემებით, საარჩევნო უბნებზე რუსთავსა და გარდაბანში 31 436 ამომრჩეველი დაფიქსირდა.
ახალგაზრდა იურისტთა ასოციაციამ ცოტა ხნის წინ გაავრცელა ინფორმაცია, რომ მათ დამკვირვებელს რუსთავში #45-ე საარჩევნო უბანზე არ მისცეს დაკვირვების საშუალება და დაემუქრნენ. გავრცელებულ ინფორმაციას არ ადასტურებენ 45-ე უბანზე. საუბნო კომისიის თავმჯდომარის მაკა პაქსაშვილის განცხადებით, ადგილზე სიმშვიდეა და საარჩევნო პროცესი მშვიდად მიმდინარეობს. რაც შეეხება საიას დამკვირვებელს, პაქსაშვილის თქმით, ის შენობაში და უბანზე მხოლოდ 15 წუთი იყო, შემდეგ გარეთ გავიდა და უბნის გარედან მოესმათ ხმაური, უკან დაბრუნებულმა აიღო ნივთები და ტერიტორია დატოვა, ისე, რომ არაფერი უთქვამს და არც საჩივარი დაუწერია.
იხილეთ ვიდეო: 17:00 საათის მონაცემებით, საარჩევნო უბნებზე ამომრჩეველთა აქტივობამ 20.74% შეადგინა