არასამთავრობო ორგანიზაცია „ალტერნატივას" წევრის, კობა მანველიძის განცხადებით, ბათუმში საარჩევნო უბნებზე ამომრჩეველთა თვალთვალი მიმდინარეობს. მისი თქმით, არასამთავრობო ორგანიზაციის წევრებმა ბათუმის ერთ-ერთ საარჩევნო უბანზე ექსპერიმენტი ჩაატარეს, კერძოდ ბიულეტენებზე ერთი და იგივე წარწერები დატოვეს, რაზეც მამუკა მდინარაძემ ბრიფინგზე ისაუბრა.

მათი თქმით, ექსპერიმენტით დაადგინეს, რომ მათ უსმენენ.

„დღის ორ საათზე ჩავატარეთ ექსპერიმენტი, სამი ადამიანი საარჩევნო უბნებზე მივედით და ბიულეტენებზე წარწერები დავტოვეთ.

დღის 4 საათისთვის მამუკა მდინარაძემ გაახმაურა, რა წარწერები გავაკეთეთ უბნებზე. ეს იმას ნიშნავს, რომ საარჩევნო უბნებზე ამომრჩეველთა თვალთვალი მიმდინარეობს. მამუკა მდინარაძის ბრიფინგიდან გამომდინარე ჩვენზე მოსმენები და თვალთვალი მიმდინარეობს, რადგან ამ ექსპერიმენტმა დაადასტურა, რომ „ქართულმა ოცნებმა“ არჩევნები გააყალბა იგი ამომრჩევლებს უთვალთვალებს, საარჩევნო უბნებზე",- განაცხადა კობა მანველიძემ.