მოძრაობა "იმოქმედე" აცხადებს, რომ ბათუმის მუნიციპალური ინსპექციის წარმომადგენელი მათ წევრს ფიზიკურად დაუპირისპირდა

მოძრაობა "იმოქმედე" აცხადებს, რომ ბათუმის მუნიციპალური ინსპექციის წარმომადგენელი მათ წევრს ფიზიკურად დაუპირისპირდა. ამის შესახებ ჟურნალისტებს "იმოქმედეს" წევრამ ბექა მექვაბიშვილმა ბათუმის მერიასთან განუცხადა.

მისივე განმარტებით,“იმოქმედეს" წევრებმა მერიის შენობასთან სტიკერები გააკრეს წარწერიათ - "არ წახვიდე გაყალბებულ არჩევნებზე", რასთან დაკავშირებითაც მერიის მუნიციპალური ინსპექციის წარმომადგენლმა ისინი გააფრთხილა, რომ სტიკერები არ გაეკრათ, რადგან ქალაქის იერსახეს აზიანებდნენ.

„იმოქმედეს" წევრებმა ბათუმის მერიის შენობასთან გააკრეს სტიკერები, შემდეგ ჩვენთან მოვიდა ინფორმაცია, რომ ჩვენ მიერ გაკრულ სტიკერებს ხსნიდნენ. ადგილზე მივიდნენ ჩვენი წარმომადგენლები და სტიკერების გაკვრა ხელახლა დაიწყეს. სტიკერის უშუალოდ გაკვრის დროს მუნიციპალური ინსპექციის წარმომადგენელი ჩვენი მოძრაობის წევრს ხელით შეეხო. ასევე ტელეფონით უღებდა და ეუბნებოდა, რომ დაჯარიმდებოდა. ეს ყველაფერი არის მარაზმი, ესენი არიან რიჟვაძის მონები და ასრულებენ რიჟვაძის და ივანიშვილის დავალებებს",- განაცხადა ბექა მექვაბიშვილმა.

ბათუმის მერიასთან პოლიცია მივიდა. "იმოქმედეს" წევრების განმარტებით, მათი 2 წარმომადგენელი ფაქტთან დაკავშირებით პოლიციამ გამოკითხვაზე გადაიყვანა.

იხილეთ ვიდეო: მოძრაობა "იმოქმედეს" წევრებსა და ბათუმის მუნუციპალური ინსპექციის წარმომადგენელს შორის სიტყვიერი და ფიზიკური დაპირისპირება მოხდა

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით