აჭარის პოლიციის დეპარტამენტის უფროსის კოტე ანანიაშვილის განცხადებით, თუ აქციაზე მოძრაობა "ალტერნატივას" მხრიდან გადაცდომას ექნება ადგილი, პოლიცია შესაბამის ზომებს მიიღებს.

"ადგილზე წარმოდგენილია შსს-ს საპოლიციო ძალები, ვიცავთ საზოგადოებრივ წესრიგს. არავის დაკავება მომხდარა. თუ იქნება გადაცდომა, მიღებული იქნება შესაბამისი ზომები", განუცხადა კოტე ანანიაშვილმა ჟურნალისტებს.

„მონებო, მონებო“- ამ შეძახილით არასამთავრობო ორგანიზაცია "ალტერნატივა" ბათუმში, საოლქო კომისიის შენობასთან აქციას მართავს. ორგანიზაციის წარმომადგენლები აცხადებენ, რომ მმართველმა პარტიამ საპარლამენტო არჩევნების შედეგები გააყალბა, რის გამოც პროტესტს გამოთქვამენ.