წინასწარი მონაცემებით, ზუგდიდის მაჟორიტარულ ოლქში მეორე ტურში „ქართული ოცნების“ კანდიდატმა ამომრჩეველთა ხმების 93.88% მიიღო

წინასწარი მონაცემებით, ზუგდიდში საპარლამენტო არჩევნების მეორე ტურში "ქართული ოცნების" მაჟორიტარობის კანდიდატმა ირაკლი ჩიქოვანმა ხმების 93, 88% მიიღო. ამის შესახებ #67 საოლქო კომისიის თავმჯდომარემ მირანდა მესხმა განაცხადა.

მისივე თქმით, სულ რეგისტრირებული 120 255 ამომრჩევლიდან, მონაწილეობა 34, 824 მიიღო.

რაც შეეხება "ნაციონალური მოძრაობის" კანდიდატს მალხაზ ჯალაღონიას, მან მეორე ტურში 6,12 პროცენტი მიიღო.

"#27 სამაჟორიტარო ოლქში სულ რეგისტრირებული 120 255 ამომრჩევლიდან, მონაწილეობა მიიღო 34, 824 ამომრჩეველმა, პროცენტულად შეადგენს - 28, 96%, როგორც იცით მონაწილეობას ღებულობდა ორი საუკეთესო შედეგის მქონე კანდიდატები, 5 ნომრით წარდგენილი კანდიდატი მალხაზ ჯალაღონია და 41 ნომრით წარდგენილი კანდიდატი ირაკლი ჩიქოვანი.

რაც შეეხება შედეგებს: 5 ნომრით წარდგენილმა კანდიდატმა, 2064 ხმა, რაც პროცენტულად შეადგენს 6, 12 %, 41 ნომრით წარდგენილ კანდიდატს 31 678 ხმა , პროცენტულად 93, 88%",- განაცხადა მირანდა მესხმა.

ამავე ცნობით, საოლქოში სულ ოთხი საჩივარია რეგისტრირებული, რაც პროცედურულ დარღვევებს ეხება.

შეგახსენებთ, რომ არჩევნების მეორე ტურში „ქართული ოცნების“ მაჟორიტარობის კანდიდატებს ძირითადად „ნაციონალური მოძრაობის“ მიერ წარდგენილი კანდიდატები უპირისპირდებოდნენ, თბილისის რამდენიმე ოლქში კი, მმართველი პარტიის კანდიდატის კონკურენტს ოპოზიციურ პარტიებს შორის შეთანხმებული კანდიდატი წარმოადგენდა. ოპოზიციის კანდიდატები ბიულეტენში დარჩნენ, მიუხედავად იმისა, რომ ისინი არჩევნების მეორე ტურს ბოიკოტს უცხადებდნენ.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის