ცესკო - მონაცემების გასაჯაროების პროცესში დაფიქსირებული პროგრამული ხარვეზების მიზეზი დამატებით დგინდება

მონაცემების გასაჯაროების პროცესში დაფიქსირებული პროგრამული ხარვეზების მიზეზი დამატებით დგინდება,- აღნიშნულის შესახებ ცესკო- ში გამართულ ბრიფინგზე განაცხადეს. ცესკოს სპიკერის მოვალეობის შემსრულებელმა ნათია იოსელიანმა ბრიფინგზე არჩევნების მეორე ტურის წინასწარი შედეგები წარმოადგინა 2003 საარჩევნო უბნის შემაჯამებელი ოქმის მიხედვით.

"21 ნოემბერს საქართველოს პარლამენტის არჩევნების მეორე ტური გაიმართა. საარჩევნო უბნების დახურვის შემდეგ, მოგეხსენებათ დაიწყო შემაჯამებელი ოქმების საოლქო საარჩევნო კომისიებისთვის გადაცემის პროცესი; რის შემდეგაც, ოქმები იტვირთებოდა შესაბამის ელექტრონულ პროგრამაში. 21 ნოემბრის ღამის ათის ნახევრიდან დაიწყო ოქმების განთავსება სპეციალურ ვებგვერდზე results.cec.gov.ge.

მიუხედავად იმისა, რომ მონაცემების გასაჯაროების პროცესში მცირე დროით დაფიქსირდა ტექნიკური/პროგრამული ხარვეზი, საარჩევნო ადმინისტრაციამ დროული რეაგირება მოახდინა და უმოკლეს ვადებში ყველასათვის ხელმისაწვდომი იყო მეორე ტურის წინასწარი შედეგები ალტერნატიული ფორმატით. აღსანიშნავია, რომ ჩვეულ ფორმატში შედეგები მალევე გახდა ხელმისაწვდომი. თუმცა, აღნიშნულის მიზეზები დამატებით დგინდება.

უწყვეტ რეჟიმში მიმდინარეობდა შემაჯამებელი ოქმების ატვირთვის და მონაცემების დამუშავების პროცედურები; ამ პროცესის ტრანსლირება კი როგორც ცესკოს ვებგვერდზე (cesko.ge), ისე კომისიის სოციალური ქსელების მეშვეობით ხორციელდებოდა. თითოეული შემაჯამებელი ოქმი ასახულია ვებგვერდზე და ამ დეტალურ მონაცემებზე წვდომა აქვს ყველას.

ახლა კი მინდა წარმოგიდგინოთ საქართველოს პარლამენტის არჩევნების მეორე ტურის წინასწარი შედეგები ყველა, - 2003 საარჩევნო უბნის შემაჯამებელი ოქმის მიხედვით. ასევე გაგაცნობთ ქუთაისში მერის რიგგარეშე არჩევნების მეორე ტურის წინასწარ შედეგებს.

№1 - მთაწმინდა, კრწანისი - №2 - შალვა შავგულიძე - 8.43% (1727) ; №41 - ბექა ოდიშარია - 91.57% (18 769)

№2 - ვაკე - №2 - ელენე ხოშტარია -6.28% (1 378) ; №41 - ნოდარ ტურძელაძე -93.72% (20 549)

№3 - საბურთალო - №24 - ალექსანდრე ელისაშვილი -10.08% (2770); №41 - დავით სერგეენკო-89.92% (24697)

№4 - ისანი - №5 - ხატია დეკანოიძე - 7.85% (1879); №41 - კახა კახიშვილი -92.15% (22055)

№5 - სამგორი- №5 - ლევან ხაბეიშვილი - 11.32% (3573); №41 - სოზარ სუბარი -88.68% (27993)

№6 - დიდუბე, ჩუღურეთი- №36 - ზურაბ გირჩი ჯაფარიძე - 10.05% (3188); №41 - გიორგი ვოლსკი 89.95% (28522)

№7 - ნაძალადევი- №10 - შალვა ნათელაშვილი -8.6% (2223); №41 - მიხეილ ყაველაშვილი - 91.4% (23629)

№8 - გლდანი- №5 - ნიკანორი მელია - 10.64% (3032); №41 - ლევან კობიაშვილი 89.36% (25474)

№10 - თელავი, ახმეტა, ყვარელი და ლაგოდეხი - №5 - გიორგი ბოტკოველი 11.17% (5608) ; №41 - ირაკლი ქადაგიშვილი 88.83% (44616)

№11 - მცხეთა, დუშეთი, თიანეთი და ყაზბეგი- №5 - ცეზარი ჩოჩელი - 7.47% (2076); №41 - შალვა კერესელიძე -92.53% (25728)

№12 - რუსთავი, გარდაბანი- №5 - დავით კირკიტაძე- 10.21% (4012); №41 - ნინო ლაცაბიძე -89.79% (35297)

№16 - ხაშური, ქარელი - №5 - ნატო ჩხეიძე -8.28% (2763); №41 - ზაალ დუგლაძე - 91.72% (30 602)

№21 - ზესტაფონი, ტყიბული, თერჯოლა, ბაღდათი- №5 - კახა გეწაძე - 8.06% (3488); №41 - ბეჟან წაქაძე - 91.94% (39810)

№23 - ქუთაისი- №5 - გრიგოლ ვაშაძე - 8.08% (2626); №41 - ზაზა ლომინაძე -91.92% (29866)

№27 - ზუგდიდი- №5 - მალხაზ ჯალაღონია - 6.12% (2064); №41 - ირაკლი ჩიქოვანი -93.88% (31678)

№28 - ბათუმი - №5 - ლევან ვარშალომიძე -12.19% (4172); №41 - რესან კონცელიძე -87.81% (30057)

№30 - ხელვაჩაური, ქედა, შუახევი და ხულო - №5 - მიშა ბოლქვაძე -11.81% (4293); №41 - ანზორ ბოლქვაძე -88.19% (32062)

მერის რიგგარეშე არჩევნების მეორე ტურში:

№59 - ქუთაისი - №5 - გრიგოლი შუშანია -7.98% (2595); №41 - იოსები ხახალეიშვილი -92.02% (29911),"- განაცხადა იოსელიანმა.

შეგახსენებთ, რომ არჩევნების მეორე ტურში „ქართული ოცნების“ მაჟორიტარობის კანდიდატებს ძირითადად „ნაციონალური მოძრაობის“ მიერ წარდგენილი კანდიდატები უპირისპირდებოდნენ, თბილისის რამდენიმე ოლქში კი, მმართველი პარტიის კანდიდატის კონკურენტს ოპოზიციურ პარტიებს შორის შეთანხმებული კანდიდატი წარმოადგენდა. ოპოზიციის კანდიდატები ბიულეტენში დარჩნენ, მიუხედავად იმისა, რომ ისინი არჩევნების მეორე ტურს ბოიკოტს უცხადებდნენ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით