წყალტუბოს სოფელ ჟონეთში ნამახვანის ჰესების კასკადის მშენებლობას აპროტესტებენ

ნამახვანის ჰესების კასკადის მშენებლობის წინააღმდეგ წყალტუბოს მუნიციპალიტეტის სოფელ ჟონეთში აქცია მიმდინარეობს.
რიონის ხეობის მოსახლეობა ჰესის მშენებლობას აპროტესტებს და შეჩერებას მოითხოვს.
ისინი პროტესტის 29-ე დღეს თურქული კომპანია "ენკას" ადმინისტრაციის შენობასთან შეიკრიბნენ და საკუთარი მოთხოვნები გააჟღერეს.
ადგილობრივებს ეკოლოგები და პოლიტიკური პარტიების წევრებიც შეუერთდნენ. ადგილობრივების თქმით, არ დაუშვებენ 105-მეტრიანი კაშხლის მშენებლობას, რადგან საფრთხე ექმნება როგორც გარემოს, ასევე დასავლეთ საქართველოს.
ადგილზე სამართალდამცველები არიან მობილიზებული.

























