სომხეთის სამხედრო პოლიციამ მთიანი ყარაბაღის საბრძოლო მოქმედებებში მონაწილეებს შეახსენა, რომ ცეცხლსასროლი იარაღები სახელმწიფოს ჩააბარონ.
უწყების განცხადებაში აღნიშნულია, რომ საბრძოლო მოქმედებების დროს მრავალმა მოქალაქემ დადგენილი წესით საბრძოლო იარაღი და მასალები მიიღო, რის შემდეგაც ისინი საბრძოლო მოქმედებების ზონაში გაემგზავრნენ, მაგრამ მათი გამოყენების შემდეგ, ისინი არ ჩაუბარებიათ.
„სამხედრო პოლიცია კვლავაც მოუწოდებს მოქალაქეებს, რომლებიც მობილიზაციის გამო გაწვეულნი იყვნენ სამხედრო სამსახურში, ან სხვა საფუძველზე, ნებაყოფლობით ჩააბარონ იარაღი და საბრძოლო მასალები, რომლებიც მიიღეს საბრძოლო მოქმედებების დროს“ , - აღნიშნულია განცხადებაში.
მათივე ცნობით, ასეთ შემთხვევაში, მოქალაქეები გათავისუფლდებიან სისხლის სამართლის პასუხისმგებლობისგან.