ზუგდიდის სოფელ ჯიხაშკარში სკოლის სარეაბილიტაციო სამუშაოებზე მუშა დაშავდა

ზუგდიდის მუნიციპალიტეტის სოფელ ჯიხაშკარში სკოლის სარეაბილიტაციო სამუშაოების დროს ახალგაზრდა მამაკაცი დაშავდა. როგორც "ინტერპრესნიუსს" სოფლის რწმუნებულმა მერაბ მიქავამ განუცხადა, მუშას დაზიანება თავის არეში აქვს მიყენებული, თუმცა მის სიცოცხლეს საფრთხე არ ემუქრება.

არსებული ინფორმაციით, მუშას თავზე ფიცარი დაეცა, თუმცა რა ვითარებაში, დაზუსტებული არ არის.

" ზუგდიდში ვიყავი, როდესაც გავიგე მომხდარის შესახებ. ნაწილი ამბობს, რომ მუშები მესამე სართულიდან ფიცრებს ყრიდნენ, ნაწილი ამბობს, რომ ფიცარი გადმოვარდა. როგორც ვიცი, თვითონ გამოსულა იმ ადგილზე. უსაფრთხოების ნორმები დაცულია. ზუსტი ინფორმაცია მუშებმა იციან, რომლებიც პოლიციაში გამოიკითხნენ. მე დაშავებულთან მოვედი საავადმყოფოში. ოპერაციას არ საჭიროებს",- ამბობს მიქავა.

დაშავებული ზუგდიდის რეფერალურ ჰოსპიტალში გადაუდებელი მედიცინის განყოფილებაში იმყოფება. მედიკოსების ინფორმაციით, მას კვლევები და შესაბამისი მკურნალობა უტარდება.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს