ოკუპირებულ აფხაზეთში ბოლო 24 საათში კორონავირუსის 116 ახალი შემთხვევა დადასტურდა და 3 პაციენტი გარდაიცვალა, - ამის შესახებ ინფორმაციას ე.წ. ოპერატიული შტაბი ავრცელებს.
მათივე ინფორმაციით, სამივე პაციენტი გუდაუთის საავადმყოფოში დაიღუპა.
აღნიშნულ საავადმყოფოში ამ დროისთვის სტაციონარული მკურნალობა 67 ადამიანს უტარდება. მძიმე მდგომარეობაშია 23 ადამიანი, 30 პაციენტის მდგომარეობა კი საშუალო სიმძიმისაა.
ოკუპირებულ აფხაზეთში პანდემიის დაწყების დროიდან კოვიდ 19-ის 5 558 შემთხვევაა დადასტურებული, გამოჯანმრთელებულია 3 630 და დაღუპულია 73 ადამიანი.