თურქეთის სასამართლომ 2016 წლის სახელმწიფო გადატრიალების მცდელობაში ბრალდებულ ათობით პირს სამუდამო პატიმრობა მიუსაჯა.

Reuters-ის ინფორმაციით, სახელმწიფო გადატრიალების მცდელობის საქმეზე თურქეთში სულ 500-მდე პირია ბრალდებული, მათ შორის არიან არმიის მეთაურები და მფრინავები.

შეგახსენებთ, რომ 2016 წლის 15 ივლისს თურქეთის შეიარაღებული ძალების სამხედროების ჯგუფი შეეცადა სამხედრო გადატრიალება მოეწყო. შეტაკებები ძირითადად სტამბოლში და ანკარაში მოხდა, რის შედეგადაც 250 ადამიანი დაიღუპა. ოფიციალური ანკარა აღნიშნულში ფეთჰულა გიულენს ადანაშაულებს.