ოკუპირებულ აფხაზეთში ბოლო 24 საათში კორონავირუსის 85 ახალი შემთხვევა დადასტურდა და 2 ადამიანი გარდაიცვალა, - ამის შესახებ ე.წ. ოპერატიული შტაბი იუწყება.
მათივე ინფორმაციით, რეგიონში, პანდემიის დაწყების დროიდან, კოვიდ 19-ის 5 883 შემთხვევაა დადასტურებული, დაღუპულთა საერთო რაოდენობა კი 81-ია.
რაც შეეხება გამოჯანმრთელებულებს, აფხაზეთში კორონავირუსისგან სულ 3 678 პაციენტი განიკურნა.