ბათუმის რესპუბლიკურ საავადმყოფოში კორონავირუსით ინფიცირებული 196 პაციენტიდან 48 რეანიმაციულ განყოფილებაში იმყოფება.

როგორც კლინიკის ექიმი გია კიკაბიძე აცხადებს, 6 პაციენტის მდგომარეობა კრიტიკულად მძიმეა.

მისივე თქმით, აჭარაში გასული 24 საათის განმავლობაში კოვიდ-19-ით ხუთი პაციენტი გარდაიცვალა.

"აჭარაში გამოჯანმრთელებულთა რაოდენობა გაიზარდა.

48 პაციენტი რეანიმაციაში გვყავს მოთავსებული, 36 პაციენტს ჟანგბადი მუდმივ რეჟიმში მიეწოდება, შედარებით სტაბილური სიტუაციაა პალატებში მოთავსებულ პაციენტებში. სამწუხაროდ, 5 პაციენტი გარდაიცვალა", - აღნიშნა კიკაბიძემ.