ფოთში, ავტოსაგზაო შემთხვევის შედეგად, ერთი პირი დაშავდა. არსებული ინფორმაციით, აღმაშენებლის ხიდზე მაღალი სიჩქარით მოძრავი მოპედი მსუბუქ ავტომანქანას შეეჯახა. შემთხვევის შედეგად დაშავდა პირი, რომელიც მოპედს მართავდა.
დაშავებული სასწრაფო-სამედიცინო დახმარების ბრიგადამ სენაკში კლინიკა ,,არქიმედეში“ გადაიყვანა.
,,დაშავებულს მძიმე დაზიანებები არ აღენიშნება, სასიცოცხლო პარამეტრები ნორმის ფარგლებში აქვს. გადაგვყავს კლინიკა ,,არქიმედეში“, სადაც საჭირო კვლევა ჩაუტარდება“, - განაცხადა სასწრაფო-სამედიცინო დახმარების ექიმმა ლუარა ჯახიამ.
შემთხვევის ადგილზე მობილიზებულია საპატრულო პოლიცია.