„რიჟვაძე გამოდი“, „თავმჯდომარე ხალხს ემალება“, - ამ მოწოდებებით აჭარის მთავრობის სახლთან ოპოზიციის წევრები და მათი მხარდამჭერები საპროტესტო აქციას მართავენ. პარალელურად, აჭარის მთავრობის სხდომა მიმდინარეობს, რომელსაც აჭარის მთავრობის თავმჯდომარე თორნიკე რიჟვაძე მართავს.
ოპოზიციის წევრები თორნიკე რიჟვაძეს გარეთ გამოსვლისკენ და მოსახლეობასთან შეხვედრისკენ მოუწოდებენ.
აქციის მონაწილეები პროტესტს საყვირებით გამოხატავენ.
„ჩვენ ვითხოვთ, რომ გამოვიდეს თორნიკე რიჟვაძე და რეგიონის პრობლემებს გაეცნოს. იგი მოსახლეობას გაურბის და არ ხვდება, არ ეცნობა ადამიანების ყოფას. ჩვენ არ შევწყვეტთ პროტესტს",- აღნიშნავენ აქციის მონაწილეები.