ამ კუთხის შვილები ხართ და მოგიწოდებთ, ოდნავ მაინც შეინარჩუნოთ სახე, - ეს განცხადება აჭარის მთავრობის თავმჯდომარე თორნიკე რიჟვაძემ სხდომის დაწყებამდე გააკეთა. მან მთავრობის სახლთან შეკრებილ აქციის მონაწილეებს მიმართა.

„ალბათ, არ ღირდა ამ საკითხით შეწუხება, თუმცა გუშინ ერთი რიგითი ბათუმელი შეწუხდა ე.წ მარგინალების ზღვარგადასული პროტესტით. თავს ვალდებულად მივიჩნევ, ამ 20 - კაციან ბანდას კიდევ ერთხელ მოვუწოდო, რომ არც პარტია და არც თქვენი გაქცეული მსჯავრდებული ბელადი არ ღირს თქვენს უსაქციელობაზე, უკადრებელის კადრებაზე საუბრობდეს მთელი აჭარა.

ამ კუთხის შვილები ხართ და მოგიწოდებთ, ოდნავ მაინც შეინარჩუნოთ სახე. საბოლოო ჯამში, ნუ მოიქცევით ისე, რომ თქვენი უსაქციელობით ბათუმში მშობლები შვილებს ეუბნებდონენ - ასეთები არ გაიზარდოთ",- განაცხადა რიჟვაძემ.

აჭარის მთავრობის სახლთან ოპოზიცია საპროტესტო აქციას მართავს და თორნიკე რიჟვაძესთან შეხვედრას მოითხოვს.