აჭარის მთავრობის სახლთან მომხდარი ინციდენტის დროს სამართალდამცავებმა ორი პირი დააკავეს და პოლიციის განყოფილებაში გადაიყვანეს.

როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, აქციაზე ორი პირი წვრილმანი ხულიგნობის ბრალდებით დააკავეს.

"ინტერპრესნიუსის" ინფორმაციით, დაკავებულები მოგვიანებით, პოლიციის განყოფილებიდან ხელწერილის საფუძველზე გაათავისუფლეს.

ცნობისთვის, ცოტა ხნის წინ აჭარის მთავრობის სახლთან ხმაური იყო.

მოქალაქეების განცხადებით, აქციაზე ორი პირი მსუბუქი ავტომობილით მივიდა და საქართველოს ყოფილი პრეზიდენტის მიხეილ სააკაშვილისა და მისი მხარდამჭერების მიმართ შეურაცხმყოფელ განცხადებებს აკეთებდნენ. დაპირისპირება სწორედ აღნიშნულ ფაქტს მოჰყვა.