ოკუპირებულ აფხაზეთში ბოლო 24 საათის განმავლობაში კორონავირუსის 122 ახალი შემთხვევა გამოვლინდა, რაც რეკორდულად მაღალი მაჩვენებელია 25 ოქტომბრის შემდეგ,- შესაბამის მონაცემებს ე.წ. კოვიდ 19-სგან მოსახლეობის დაცვის შტაბი ავრცელებს.

მათივე ინფორმაციით, ამჟამად გუდაუთის საავადმყოფოში 57 კოვიდინფიცირებული მკურნალობს, აქედან 23-ის მდგომარეობა მძიმეა.

სოხუმის ინფექციურ საავადმყოფოში კი 32 ინფიცირებული იმყოფება, მათგან 2-ის მდგომარეობა მძიმეა. დე ფაქტო ხელისუფლების ინფორმაციით, აფხაზეთში პანდემიის დაწყების დროიდან კორონავირუსის 6 092 შემთხვევაა დადასტურებული, აქედან 84 პაციენტი დაიღუპა, 4 002 კი - გამოჯანმრთელდა.