21 წლამდე ნაკრებთა ევროპის 24-ე ჩემპიონატის ერთ-ერთი მასპინძელი ქალაქი თბილისთან და ბათუმთან ერთად, ფოთი იქნება

უეფა-ს გადაწყვეტილებით, 2023 წელს, 21 წლამდე ნაკრებთა ევროპის 24-ე ჩემპიონატს საქართველო და რუმინეთი უმასპინძლებს. ამის შესახებ „ინტერპრესნიუსს“ ფოთის მუნიციპალიტეტის მერიიდან აცნობეს.

„ბედნიერი ვარ, რომ მსგავსი მასშტაბის ტურნირს, თბილისთან და ბათუმთან ერთად ჩვენი ქალაქი, ფოთი უმასპინძლებს. ვულოცავ ქართული ფეხბურთის თითოეულ გულშემატკივარს, საქართველოს ყველა მოქალაქეს, ჩემს ფოთელებს ამ დიდ წარმატებას და ისტორიულ დღეს! ევროპის ჩემპიონატი საქართველოში და ჩვენს ქალაქში ნიშნავს ფეხბურთის განვითარებას, ჩვენი ახალგაზრდებისთვის დიდ გამოცდილებას, ახალ შესაძლებლობებს სპორტის სფეროში. მადლობას ვუხდი საქართველოს ფეხბურთის ფედერაციას და პრეზიდენტს, ლევან კობიაშვილს გაწეული მუშაობისთვის",- განაცხადა ფოთის, ხობის და სენაკის მაჟორიტარმა დეპუტატმა ირაკლი ხახუბიამ.

ფოთის მუნიციპალიტეტის მერიის ცნობით, 16 ევროპული ნაკრები ოთხ ჯგუფში გადანაწილდება.

„თითოეული ქვეყანა ორ-ორ ჯგუფს უმასპინძლებს. ჩემპიონატის დებულების თანახმად, ორივე მასპინძელი ქვეყანა - საქართველო და რუმინეთი ფინალურ ეტაპზე საკვალიფიკაციო ეტაპის გავლის გარეშე ითამაშებს. ევრო 2023-ის ახალგაზრდულ ნაკრებთა ფინალური მატჩი ბათუმის სტადიონზე შედგება“, - აღნიშნულია ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია