პარლამენტის ადამიანის უფლებათა დაცვის კომიტეტმა პირველ საორგანიზაციო სხდომაზე მხოლოდ კომიტეტის თავმჯდომარის პირველი მოადგილე აირჩია. აღნიშნულ თანამდებობაზე კომიტეტის თავმჯდომარემ მიხეილ სარჯველაძემ დეპუტატი ალუდა ღუდუშაური წარადგინა. მისივე განმარტებით, ფრაქცია "ქართულ ოცნებას" საკუთარი კვოტით მოადგილის კანდიდატურა კომიტეტისთვის ჯერ არ წარუდგენია.

ასევე წარდგენილი არ არის საპარლამენტო ოპოზიციის კვოტით ასარჩევი მოადგილის კანდიდატურა. მიხეილ სარჯველაძემ იმედი გამოთქვა, რომ ოპოზიცია პარლამენტის ადამიანის უფლებათა დაცვის კომიტეტის ტრიბუნას აქტიურად გამოიყენებს.