მედიის ინფორმაციით, ასლან ბჟანიამ და რუსეთის ტრანსპორტის მინისტრმა სოხუმის აეროპორტისა და ფსოუს ხიდის რეაბილიტაციის შესახებ ისაუბრეს

ოკუპირებული აფხაზეთის ე.წ. პრეზიდენტი ასლან ბჟანია სოხუმის აეროპორტისა და მდინარე ფსოუზე საავტომობილო ძველი ხიდის აღდგენის საკითხებზე რუსეთის ტრანსპორტის მინისტრს ვიტალი საველევს შეხვდა.

ამ საკითხებზე შეთანხმება, ჯერ კიდევ 12 ნოემბერს, ბჟანიასა და რუსეთის პრეზიდენტს შორის შეხვედრაზე შედგა, რომლის შემდეგ ბჟანიამ განაცხადა, რომ შესაძლებელი გახდა კონკრეტული ნაბიჯების გადადგმა.

მისი თქმით, აეროპორტის ფუნქციონირება სრულიად შესაძლებელია, მაგრამ ამისთვის „სათანადო პირობების“ შექმნაა აუცილებელი. ამ შეხვედრის შემდეგ, 18 ნოემბერს ოკუპირებულ აფხაზეთში „როსავიაციის“ დელეგაცია ჩავიდა, აეროპორტის ტექნიკური მდგომარეობა შეისწავლა და მის სარემონტოდ შემდგომი ნაბიჯები განსაზღვრა.

„სპუტნიკის“ ინფორმაციით, ბჟანიამ და საველევმა დეტალურად განიხილეს აეროპორტის განვითარების კონცეფცია. დე ფაქტო პრეზიდენტის თქმით, აეროპორტის აღდგენას უდიდესი მნიშვნელობა აქვს „რესპუბლიკის“ განვითარებისა და მისი ეკონომიკური პოტენციალისთვის.

შეხვედრის შემდეგ, მხარეები შეთანხმდნენ, რომ ორივე საკითხზე ურთიერთქმედების გაგრძელება 2021 წლის მარტიდან მოხდება.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან