ოკუპირებული ე.წ. სამხრეთ ოსეთის „წითელ ზონებში“, 20 დეკემბრის დილის მონაცემებით, კორონავირუსით დაავადებული 68 პაციენტი მკურნალობას განაგრძობს. ამის შესახებ დე ფაქტო რესპუბლიკის ე.წ. მთავარმა ინფექციონისტმა ელეონორა ჯიოევამ განაცხადა.
მისი ინფორმაციით, გასული დღე-ღამის განმავლობაში ერთი ადამიანი გარდაიცვალა. ამავე პერიოდში საავადმყოფოს „წითელ ზონაში“ შეიყვანეს ოთხი პაციენტი.
მისივე ინფორმაციით, „რესპუბლიკაში“ დეკემბრის დასაწყისიდან დაავადების კლება ფიქსირდება.