იუსტიციის უმაღლეს საბჭოში უზენაესი სასამართლოს მოსამართლეობის მსურველ კანდიდატებთან გასაუბრება მიმდინარეობს
იუსტიციის უმაღლეს საბჭოში უზენაესი სასამართლოს მოსამართლეობის მსურველ კანდიდატებთან გასაუბრება მიმდინარეობს.
იუსტიციის საბჭოს არამოსამართლე წევრის, ნაზი ჯანეზაშვილის განცხადებით, უზენაესი სასამართლოს მოსამართლეობის კანდიდატებისგან აინტერესებს - რამდენადაა სასამართლო დამოუკიდებელი? რამდენადაა პოლიტიკური ზეგავლენებისგან თავისუფალი და როგორი იყო წარსულში. ამის შესახებ ჯანეზაშვილმა "ინტერპრესნიუსს" განუცხადა.
„უზენაესი სასამართლოს მოსამართლეების შესარჩევი კონკურსი, რომელიც ახლა მიმდინარეობს, რა თქმა უნდა, მოქმედი მოსამართლეებითაა გაჯერებული. მასში კანდიდატებად ძირითადად ის მოსამართლეები არიან, რომლებიც დღემდე სისტემაში მუშაობენ და გარკვეული გამოცდილება აქვთ. შესაბამისად, ჩემი შეკითხვები გამომდინარეობს - არის თუ არა, სასამართლო დამოუკიდებელი? არის, თუ არა სასამართლო პოლიტიკური გავლენებისგან თავისუფალი? არიან, თუ არა მათი აზრით, საქართველოში პოლიტიკური პატიმრები? ანუ ჩემი შეკითხვები ძირითადად უკავშირდება, სასამართლო სისტემის დამოუკიდებლობასა და სამართლიანი სასამართლოს უფლებას. ჯამში დაახლოებით, 40-ზე მეტი კანდიდატია, რადგან ერთდროულად რამდენიმე კონკურსი მიმდინარეობს“, - განაცხადა ჯანეზაშვილმა.
