შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატის თეა ახვლედიანის ინფორმაციით, მირიან თაზიაშვილი, რომელიც საოკუპაციო რეჟიმმა დაახლოებით ერთი თვის წინ უკანონოდ დააკავა, თავისუფალია.
მისივე თქმით, ეს იყო საქართველოს შესაბამისი უწყებების ერთობლივი ძალისხმევის შედეგი.
"სანამ ჩვენი დღევანდელი სხდომა მიმდინარეობდა, ერთ-ერთი უკანონოდ დაკავებული ჩვენი მოქალაქე, მირიან თაზიაშვილი გათავისუფლებული იქნა უკანონო პატიმრობიდან, რაც სასიხარულოა", - აღნიშნა თეა ახვლედიანმა.
ცნობისთვის, მირიან თაზიაშვილი საოკუპაციო რეჟიმის წარმომადგენლებმა ზარდიაანთკარიდან 20 ნოემბერს გაიტაცეს.