რუსეთში, ბოლო 24 საათის განმავლობაში, კოვიდ 19-ის 29 018 ახალი შემთხვევა დაფიქსირდა და ინფიცირებულთა საერთო რაოდენობამ 2 992 706-ს მიაღწია, - ინფორმაციას ადგილობრივი მედია ავრცელებს.

ამასთან, ბოლო დღე-ღამის განმავლობაში ქვეყანაში ვირუსით კიდევ 563 პაციენტი დაიღუპა და გარდაცვლილთა რიცხვი 53 659-მდე გაიზარდა.

რუსეთში, საერთო ჯამში, კორონავირუსისგან 2 398 254 ადამიანი გამოჯანმრთელდა.

აღსანიშნავია, რომ გუშინ რუსეთში კოვიდ 19-ით ინფიცირებისა და გარდაცვალების რეკორდულად მაღალი დღიური მაჩვენებელი დაფიქსირდა.

კორონავირუსის შემთხვევების რაოდენობით რუსეთი აშშ-ს, ინდოეთისა და ბრაზილიის შემდეგ მეოთხე ადგილზეა მსოფლიოში.