ოკუპირებულ ცხინვალში კორონავირუსის 8 ახალი შემთხვევა გამოვლინდა, - ამის შესახებ ინფორმაციას ადგილობრივი მედია ე.წ. მთავარი სანიტარული ექიმის მოადგილე ანა გაგლოევაზე დაყრდნობით ავრცელებს.
გაგლოევას თქმით, მოქალაქეებს კორონავირუსზე ტესტი კვირას არ ჩატარებიათ, შაბათს ჩატარებული კვლევის შედეგად კი ვირუსი 8 ადამიანს დაუდასტურდა.
დე ფაქტო ხელისუფლების ინფორმაციით, 15 სექტემბრიდან, ანუ რუსეთთან ე.წ. საზღვრის გახსნის შემდეგ ოკუპირებულ ცხინვალში კოვიდ-19-ით სულ 2 269 ადამიანი დაინფიცირდა, აქედან 1 490 პაციენტი გამოჯანმრთელდა.