პარლამენტის შენობასთან საპროტესტო აქცია მიმდინარეობს. სამოქალაქო აქტივისტების განცხადებით, ისინი ქვეყანაში პოლიტპატიმრების არსებობას აპროტესტებენ. როგორც „ინტერპრესნიუსთან" საუბარში აქციის ერთ-ერთმა მონაწილემ, ირაკლი ფავლენიშვილმა განაცხადა, აუცილებელია, პოლიტპატიმრებს „ამნისტიის შესახებ" კანონი შეეხოთ, წინააღმდეგ შემთხვევაში კი საპროტესტო აქციები არ შეწყდება.
„პარლამენტთან ვართ ისევ შეკრებილი და ჩვენი მთავარი მოთხოვნაა - პოლიტპატიმრების გათავისუფლება. „ამნისტიის კანონი“ პოლიტპატიმრებს აუცილებლად უნდა შეეხოს. წინააღმდეგ შემთხვევაში საპროტესტო აქციები კვლავ გაგრძელდება", - განაცხადა ფავლენიშვილმა.