კაპიტოლიუმის ტერიტორიაზე ცეცხლსასროლი იარაღით ერთი ადამიანი დაჭრეს

ვაშინგტონში, კაპიტოლიუმის ტერიტორიაზე ცეცხლსასროლი იარაღით ქალი დაჭრეს. ინფორმაციას CNN ავრცელებს.

„ორი წყაროს ინფორმაციით, კაპიტოლიუმის ტერიტორიაზე გულმკერდის არეში დაჭრის შემდეგ ქალი კრიტიკულ მდგომარეობაშია“, - წერს CNN და აქვე აღნიშნავს, რომ სროლის გარემოებებზე დამატებითი ინფორმაცია ჯერ არ აქვთ.

ცნობისთვის, ტრამპის მომხრეები კაპიტოლიუმში შეიჭრნენ, სადაც კონგრესის გაერთიანებული სხდომა მიმდინარეობდა. სესიაზე ამომრჩეველთა კოლეგიის ხმის მიცემის შედეგები უნდა დაემტკიცებინათ.