დონალდ ტრამპი - ახალი ადმინისტრაციის ინაუგურაცია 20 იანვარს ჩატარდება, ახლა ჩემი ყურადღება ძალაუფლების შეუფერხებლად გადაცემის უზრუნველყოფაზეა გამახვილებული

კონგრესმა არჩევნების შედეგები დაადასტურა, ახალი ადმინისტრაციის ინაუგურაცია 20 იანვარს გაიმართება, - ამის შესახებ აშშ-ის მოქმედმა პრეზიდენტმა დონალდ ტრამპმა ახალ ვიდეო მიმართვაში განაცხადა.

მისი თქმით, ხელისუფლების შეუფერხებლად გადაცემის პროცესი შერიგებას მოითხოვს.

“ახლა ჩემი ყურადღება ძალაუფლების შეუფერხებლად და მოწესრიგებულად გადაცემის უზრუნველყოფაზეა გამახვილებული. ეს მომენტი მოითხოვს კონსოლიდირებასა და შერიგებას," - განაცხადა დონალდ ტრამპმა.

მოქმედმა პრეზიდენტმა ვაშინგტონში განვითარებულ მოვლენებზეც ისაუბრა და აღნიშნა, რომ მომხდარით აღშფოთებულია.

„ისევე როგორც თითოეული ამერიკელი, ძალადობითა და უკანონო ქმედებით აღშფოთებული ვარ. შეერთებული შტატები იყო და ყოველთვის უნდა იყოს კანონისა და წესრიგის ქვეყანა. კაპიტოლიუმში შეჭრილმა დემონსტრანტებმა შებღალეს ამერიკული დემოკრატიის ადგილსამყოფელი. მივმართავ მათ, ვინც ძალადობასა და ნგრევაში მონაწილეობდა : თქვენ არ წარმოადგენთ ჩვენს ქვეყანას და მათ, ვინც კანონი დაარღვია: თქვენ ამისთვის გაზღვევინებენ,“- აღნიშნა დონალდ ტრამპმა.

შეგახსენებთ, ოთხშაბათს, როდესაც კონგრესი საპრეზიდენტო არჩევნებში ჯო ბაიდენის გამარჯვების ოფიციალურად დასამტკიცებლად შეიკრიბა, დონალდ ტრამპის მხარდამჭერები კაპიტოლიუმში შეიჭრნენ. მომხდარი არეულობის შედეგად 4 ადამიანი გარდაიცვალა.

იხილეთ ვიდეო: დონალდ ტრამპი - ახლა ჩემი ყურადღება ძალაუფლების შეუფერხებლად გადაცემის უზრუნველყოფაზეა გამახვილებული

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით