ირაკლი კობახიძეს აქვს ყველა თვისება, როგორც ადამიანური, ასევე პროფესიონალური, რათა მხარდაჭერა ჰქონდეს, - ასე აფასებს პარლამენტის პირველი ვიცე-სპიკერი გია ვოლსკი პარტია “ქართული ოცნების“ თავმჯდომარედ ირაკლი კობახიძის წარდგენას.

“გუნდი ამას მხოლოდ იმიტომ არ ამბობს, რომ პოლიტსაბჭოზე მიღებულია გადაწყვეტილება. ეს გამომდინარეობს თავად ირაკლი კობახიძის დამოკიდებულებით საკითხებისა და ქვეყნის მიმართ. საქმეებმა უნდა ილაპაკარაკონ პოლიტსაბჭოზე ირაკლი კობახიძეზეც და საბჭოს ნებისმიერ სხვა წევრზე. ეს საქმეები ნამდვილად არის გამორჩეული და პოზიტიური“, - განუცხადა ჟურნალისტებს გია ვოლსკიმ.

“ქართული ოცნების“ თავმჯდომარის პოსტზე ბიძინა ივანიშვილს პარტიის აღმსარულებელი მდივანი ირაკლი კობახიძე შეცვლის. პარტიის ყრილობა 16 იანვარს გაიმართება.