ოკუპირებულ აფხაზეთში კორონავირუსის 141 ახალი შემთხვევა გამოვლინდა და 1 ადამიანი გარდაიცვალა
ოკუპირებულ აფხაზეთში გასული დღე-ღამის განმავლობაში კორონავირუსის 141 ახალი შემთხვევა გამოვლინდა,- ამის შესახებ ინფორმაციას ე.წ. ოპერატიული შტაბი ავრცელებს.
მათივე ინფორმაციით, გასული დღე-ღამის განმავლობაში კორონავირუსზე ტესტი 522 ადამიანს ჩაუტარდა.
ამასთან, აფხაზეთში, კიდევ ერთი კოვიდინფიცირებული გარდაიცვალა.
ამ დროისთვის გუდაუთის საავადმყოფოში კოვიდ 19-ის დიაგნოზით 96 პაციენტია მოთავსებული. 31 ადამიანი მძიმე მდგომარეობაშია, 47 პაციენტის ჯანმრთელობის მდგომარეობა კი საშუალო სიმძიმისაა.
სოხუმის ინფექციურ საავადმყოფოში კორონავირუსის დადასტურებული დიაგნოზით 36 პაციენტია მოთავსებული, ოჩამჩირის საავადმყოფოში - 26, ტყვარჩელში - 15, გაგრის საავადმყოფოში - 35 პაციენტი, საველე სამხედრო ჰოსპიტალში კი - 49.
პანდემიის დაწყებიდან დღემდე ოკუპირებულ აფხაზეთში კორონავირუსით ინფიცირების 10 102 შემთხვევა დაფიქსირდა, გარდაიცვალა 143 პაციენტი, 7 808 ადამიანი კი გამოჯანმრთელდა.
შეგახსენებთ, დე ფაქტო ხელისუფლებამ კორონავირუსის გამო დაწესებული შეზღუდვების 10 თებერვლამდე გახანგრძლივების გადაწყვეტილება მიიღო.
