ოკუპირებულ აფხაზეთში კორონავირუსის 91 ახალი შემთხვევა გამოვლინდა

ოკუპირებულ აფხაზეთში კორონავირუსის 91 ახალი შემთხვევა გამოვლინდა. ამის შესახებ მედია ე.წ. ოპერატიულ შტაბზე დაყრდნობით წერს. მათივე ინფორმაცით, გასულ დღე-ღამეში ვირუსზე ტესტი 524 ადამიანს ჩაუტარდა.

კორონავირუსით ოკუპირებულ რეგიონში ორი პაციენტი გარდაიცვალა.

ამავე მონაცემებით, საერთო ჯამში ოკუპირებულ აფხაზეთში კორონავირუსის შემთხვევების საერთო რაოდენობა 10 875-ს შეადგენს. 154 ადამიანი გარდაიცვალა. 8701 პაციენტი კი გამოჯანმრთელდა.