მითქვამს და გავიმეორებ - გიგა ბოკერიას და მისი თანამოაზრეების ამოცანაა, სტრესი და დესტაბილიზაცია საქართველოში, - ასეთია პარლამენტის პირველი ვიცე-სპიკერის მოსაზრება „ევროპული საქართველოს" ერთ-ერთი ლიდერის გიგა ბოკერიას იმ განცხადებაზე, რომლის მიხედვით, 2021 წლის ადგილობრივი თვითმმართველობის არჩევნების ბოიკოტირება გამორიცხული არ არის.
ვოლსკი მიიჩნევს, რომ არჩევნების ბოიკოტირების იდეას სხვა პოლიტიკური სუბიექტები არ გაიზიარებენ.
„დესტაბილიზაცია ერთადერთი ამოცანაა, რომელსაც მხარდამჭერებს ის ოპიზიციური ჯგუფი კარნახობს, ვისაც უბნების, ოქმების, ბიულეტენების გადათვლის კატეგორიული წინააღმდეგობა გააჩნია. ოპოზიციურმა პარტიებმა „ნაცკლასტერის“ მიმართ საკუთარ დამოკიდებულებას უნდა გადახედოს და სწორი დასკვნები გამოიტანონ, თუ რა სჭირდება ქვეყანას და არა სააკაშვილს ან ბობოხიძეს", - განაცხადა გია ვოლსკიმ.