ოკუპირებულ აფხაზეთში კორონავირუსით ექვსი პაციენტი გარდაიცვალა. ამის შესახებ ე.წ. ოპერატიული შტაბი იუწყება.
მათივე ინფორმაციით, ოკუპირებულ რეგიონში 426 ტესტი ჩატარდა და 44 ახალი შემთხვევა დაფიქსირდა. ამ დროისთვის გუდაუთის საავადმყოფოში კორონავირუსზე სტაციონარულ მკურნალობას 93 ადამიანი გადის, 25 პაციენტის მდგომარეობა მძიმეა, 51-ის მდგომარეობა საშუალო სიმძიმის.
მთლიანობაში, აფხაზეთში კორონავირუსით დაინფიცირებულთა რაოდენობა 11 564-ს შეადგენს, გარდაცვლილია 178 ადამიანი, გამოჯანმრთელდა 9902 პაციენტი.