ანრი ოხანაშვილი - რიგი ოპოზიციური ჯგუფები ბოლო ორი კვირის განმავლობაში გვთხოვენ, რომ არ მივიღოთ ის გადაწყვეტილება, რომელიც უკავშირდება მათთვის სადეპუტატო მანდატის შეწყვეტას

მთელი რიგი ოპოზიციური ჯგუფები ბოლო ორი კვირის განმავლობაში გვთხოვენ, რომ არ მივიღოთ ის გადაწყვეტილება, რომელიც უკავშირდება მათთვის სადეპუტატო მანდატის შეწყვეტას, ეს ხომ ფაქტია, - ამის შესახებ „ქართული ოცნების“ დეპუტატმა ანრი ოხანაშვილმა ჟურნალისტებთან საუბრისას განაცხადა.

მისი თქმით, დღეს მმართველმა პარტიამ გადაწყვეტილება მიიღო ოპოზიციონერი დეპუტატებისთვის უფლებამოსილება არ შეეწყვიტა, რადგან სხვაგვარად რომ მოქცეულიყო, გახდებოდა ის საბოტაჟის თანამონაწილე, რომესაც ადგილი აქვს გარკვეული ოპოზიციური ჯგუფების მხრიდან.

„ჩვენ ვირჩევთ გზას დემოკრატიისკენ. ქართველი ხალხის ნება არის ჩვენი ქვეყნის მშვიდობიანი, დემოკრატიული განვითარება და არა რადიკალიზაცია ან ამ რადიკალიზაციაში თანამონაწილეობა. ჩვენ რომ სხვა გადაწყვეტილება მიგვეღო, ვიქნებოდით თანამონაწილე იმ საბოტაჟის, რასაც ადგილი აქვს ოპოზიციური ჯგუფების გარკვეული ნაწილის მხრიდან. ამას ემატება ისიც, რომ მთელი რიგი ოპოზიციური ჯგუფები ბოლო ორი კვირის განმავლობაში გვთხოვენ, რომ არ მივიღოთ ის გადაწყვეტილება, რომელიც უკავშირდება მათთვის სადეპუტატო მანდატის შეწყვეტას, ეს ხომ ფაქტია. ამიტომ, თვითონ ჩამოყალიბდნენ საბოლოოდ, მოხდეს რეალურად ლუსტრაცია, ვინ ირჩევს საბოლოოდ დემოკრატიის გზას და ვინ ირჩევს საბოლოოდ საბოტაჟის გზას. თვითონ უნდა გაერკვნენ ერთმანეთში, იზიარებენ თუ არა ერთიან ოპოზიციურ სულისკვეთებას. ფაქტია, რომ არ იზიარებენ. უმეტესობა ამბობს უკვე შეფარულად თუ ღიად, რომ მათთვის მიზანშეწონილია, არ მოხდეს შეწყვეტა, ვინაიდან ამით დარჩეს რესურსი შემდგომი მოლაპარაკების. რაც შეეხება რეგლამენტსა და კონსტიტუციას, რა უფლებას ვარღვევთ თუ ვინმე ამას სვამს, კითხეთ. რა უფლება ირღვევა და თუ ფიქრობენ, რომ რაიმე უფლება ირღვევა, საკონსტიტუციო სასამართლოს მიმართონ. ჩვენ დავიცავთ, რა თქმა უნდა, საქართველოს კონსტიტუციას და სწორედ ამიტომ ვიღებთ იმ გადაწყვეტილებას, რაც მონიჭებული აქვს პარლამენტს,“- განაცხადა ოხანაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს