თბილისის საკრებულო წიგნის საჯაროდ კითხვის საერთაშორისო დღეს შეუერთდა

განათლებისა და კულტურის კომისიის ინიციატივით, თბილისის საკრებულოში წლის განმავლობაში შეგროვებული მაკულატურა წიგნებში გადაიცვალა და წიგნის საჯაროდ კითხვის დღესთან დაკავშირებით, ხანდაზმულთა მუნიციპალურ პანსიონატის მცხოვრებლებს გადაეცათ. ამის შესახებ ინფორმაციას თბილისის საკრებულოს პრესსამსახური ავრცელებს.

კომისიის თავმჯდომარის თინათინ ნიბლოშვილის თქმით, პანსიონატში მცხოვრებმა მოხუცებმა სასურველი ლიტერატურა წინასწარ თავად დაასახელეს.

,,ჩემი დიდი სურვილი იყო, რომ წიგნის საჯაროდ კითხვის დღე 2021 წელს განსხვავებულად აღგვენიშნა და გაგვეხარებინა ის ხალხი, ვისაც განსაკუთრებულად სჭირდება საზოგადოების ზრუნვა და ყურადღება. ამიტომ, მათი სურვილისამებრ, შევიძინეთ უახლესი გამოცემები - მხატვრული ლიტერატურა და ლექსიკონები,’’ - განაცხადა თინათინ ნიბლოშვილმა.

წიგნის საჯაროდ კითხვის საერთაშორისო დღე ცნობილი ღონისძიებაა, რომელიც 2010 წლიდან ყოველწლიურად მსოფლიოს 100-ზე მეტ ქვეყანაში აღინიშნება. ეს დღე ადამიანებს საერთო იდეით აერთიანებს, სლოგანით: იკითხე წიგნი შეცვალე მსოფლიო!

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)