ვფიქრობ, რომ მოლაპარაკების რესურსი კიდევ არსებობს - ამის შესახებ “სტრატეგია აღმაშენებელის” ლიდერმა გიორგი ვაშაძემ ჟურნალისტებს განუცხადა.
მისი თქმით, მთავარია, ქვეყანა იხსნან პოლიტიკური ჩიხიდან.
“ვფიქრობ, რომ მოლაპარაკების რესურსი კიდევ არსებობს, აქედან გამომდინარე, "სტრატეგია აღმაშენებელი" იმ განცხადებას, რომელიც 1 კვირის წინ გავაკეთეთ სხვა ოპოზიციურ პარტიებთან ერთად, არ ვცვლით. მზად ვართ მოლაპარაკებისთვის, იმისათვის, რომ მძიმე პოლიტიკური ჩიხიდან ვიხსნათ ქვეყანა, მაგრამ ჩვენი მთავარი მიზანია, ხალხზე ორიენტირებული პოლიტიკა და ადამიანების პრობლემების დაბრუნება პოლიტიკურ დისკურსში. ეს არის ძალიან მნიშვნელოვანი. ვერც ერთ შემთხვევაში ვერ იქნება განხილვის საგანი, ვინ შედის და ვინ არ შედის პარლამენტში, მთავარია შეთანხმება", - განაცხადა გიორგი ვაშაძემ.