„ევროპული საქართველოს“ წევრის აკაკი ბობოხიძის განცხადებით, პროტესტი დღეს ერთადერთი ფორმაა, რათა ხელისუფლებამ საჭირო გადაწყვეტილებები მიიღოს. ამის შესახებ ბობოხიძემ ჟურნალისტებს რუსთაველის გამზირზე, პარლამენტის შენობასთან მიმდინარე აქციაზე განუცხადა, სადაც სხვადასხვა სფეროს წარმომადგენლები პანდემიასთან დაკავშირებით დაწესებულ რეგულაციებს აპროტესტებენ.

„აქციის მონაწილეების მოთხოვნები არათუ ლეგიტიმურია, არამედ მათი შესრულება ქვეყნისთვის სასიცოცხლოდ აუცილებელია. მე მინდა ჩვენმა ხალხმა გააცნობიეროს ერთი მარტივი ჭეშმარიტება - ის, რაც გვეკუთვნის, თუ არ მოვითხოვეთ, არავინ არ მოგვცემს, არცერთი კეთილი მთავრობა. პროტესტი არის ერთადერთი ფორმა ამ ხელისუფლებას საჭირო გადაწყვეტყილებები მივაღებინოთ“,- განაცხადა ბობოხიძემ.