ანა დოლიძე - „ზუმის მინისტრი“ მიხეილ ჩხენკელი, რომელსაც ერთხელაც არ შეუხედავს საკლასო ოთახებში, უნდა გადადგეს

„ზუმის მინისტრი“ მიხეილ ჩხენკელი, რომელსაც ერთხელაც არ შეუხედავს საკლასო ოთახებში, უნდა გადადგეს!“ - ამის შესახებ მოძრაობა „ხალხისთვის“ ლიდერმა, ანა დოლიძემ განაცხადა. მისივე განცხადებით, სახელმწიფომ და კონკრეტულად განათლების სამინისტრომ ამდენი ხანის განმავლობაში ვერ შეძლო პოლიტიკის შემუშავება სკოლების გახსნასთან დაკავშირებით და მშობლებისთვის არანაირი ინფორმაცია და ინსტრუქცია არ მიუცია, სწავლის საკლასო ოთახებში გაგრძელების შესახებ.

დოლიძის შეფასებით, არსებული ვითარებიდან გამომდინარე განათლების სამინისტროს მოუმზადებლობა და არაკომპეტენტურობა აშკარაა.

„აიწონა-დაიწონას პრინციპით დახურეს სკოლები და ახლა, საზოგადოების პროტესტისა და მოთხოვნის შედეგად დაგვპირდნენ, რომ გახსნიან სასწავლებლებს. თუმცა, არავითარი დამატებითი ინსტრუქცია და ინფორმაცია მშობლებს სკოლების გახსნასთან დაკავშირებით არ მიგვიღია, როცა დასავლეთის ქვეყნებში უამრავი ტიპის ინსტრუქცია და მომზადებაა სკოლებთან მიმართებით. ჩვენი სამინისტროს მოუმზადებლობა და არაკომპეტენტურობა აშკარაა, მაგრამ დღეს გამოვლინდა განსხვავებული და საშიში ფაქტი. ფაქტობრივად, ის, რაც აქამდე არაერთხელ ითქვა - მზადდება კონსპირაცია მშობლებისა და ზოგადად, საზოგადოების წინააღმდეგ. ეს დადასტურდა 24-ე სკოლასთან დაკავშირებით გასაჯაროებული ინფორმაციით. ერთი სიტყვით, კი დაგვპირდა სახელმწიფო, რომ გახსნის სკოლებს, ტრანსპორტს, რესტორნებს, მაგრამ დღევანდელმა სიუჟეტმა დაადასტურა, რომ ამას იმისთვის აკეთებენ, რომ შემდეგ კონსპირაციულად ყველაფერი სწრაფადვე დაკეტონ“ - ამბობს ანა დოლიძე ფეისბუქ ლაივში.

ამასთან, მოძრაობა „ხალხისთვის“ ლიდერი განათლების მინისტრის პასუხისმგებლობის დაყენების საკითხზე საუბრობს. მისი თქმით, ქვეყნის განათლების სისტემა და მომავალი თაობა „ზუმის მინისტრის“მიხეილ ჩხენკელის ხელში არ უნდა იყოს.

„არაფერი უდგას წინ იმ მოთხოვნას, რომ გადააყენონ განათლების სამინისტროს ერთ-ერთი ყველაზე უნიათო ხელმძღვანელობა. ნუთუ არ კმარა ჩავარდნა, რასაც ონლაინ სწავლება ჰქვია, არ კმარა პიზას შედეგები, სადაც თითქმის ბოლო ადგილზე ვართ საბჭოთა კავშირის ქვეყნებში საშუალო სკოლაში არსებული მდგომარეობით, არ კმარა ჩხოროწყუს ინციდენტი, როცა აღმოჩნდა, რომ ჩვენ შვილებს ამზადებენ ვიღაც ფეოდალების დამლაგებლებად. იქნებ ამ ინციდენტმა კიდევ ერთხელ დაგვაფიქროს, რომ არ შეიძლება ჩვენი შვილების ცხოვრების მართვა ვანდოთ ადამიანებს, რომლებიც გეგმავენ ბავშვებს მორიგი ტრავმა მიაყენონ სკოლის დაკეტვით. ყველანაირი პასუხისმგებლობა ქვეყნის უნიათო მართვაზე აქვს ხელისუფლებას. ის სრულიად მოუმზადებელი შეხვდა როგორც ტრანსპორტის, სკოლებისა და რესტორნების დაკეტვას, ასევე, ჯერჯერობით, სრულიად მოუმზადებელია მათ გახსნასთან დაკავშირებით.

ვფიქრობ, ძალიან მნიშვნელოვანია კიდევ ერთხელ დადგეს მოთხოვნა, რომ ამ ადამიანების ხელში, „ზუმის მინისტრის“ მიხეილ ჩხენკელის ხელში, არ უნდა იყოს განათლების სისტემა, მითუმეტეს ამ ძალიან რთულ ეპოქაში“, - აცხადებს დოლიძე.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა