საქართველოს პირველი ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი უნგრეთის საგანგებო და სრულუფლებიან ელჩს საქართველოში ვიქტორია ჰორვატს შეხვდა. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტრო ავრცელებს.

მათივე ცნობით, მხარეებმა რეგიონული განვითარების მიმართულებით მხარდაჭერის, ასევე წყალმომარაგებისა და მყარი ნარჩენების მართვის პროექტებში მონაწილეობისა და გამოცდილების გაზიარების შესაძლებლობები განიხილეს.

„ცქიტიშვილმა ელჩს დაგეგმილი მსხვილი ინფრასტრუქტურული პროექტების შესახებ ინფორმაცია გააცნო, სადაც ვიქტორია ჰორვატმა განაცხადა, აღნიშნული საკითხით უნგრული კერძო კომპანიების დაინტერესება დიდია“ , - ნათქვამია ინფორმაციაში.