კონსტანტინე ანანიაშვილი - მზად ვარ, რომ აქტიურად ვიმუშაო რეგიონებში გუბერნატორებთან და ადგილობრივი ხელისუფლების წარმომადგენლებთან

პრემიერ-მინისტრმა წარმადგინა რეგიონალური პოლიტიკის და მართვის სამსახურის ხელმძღვანელის პოზიციაზე, მინდა მადლობა გადავუხადო მას გამოცხადებული ნდობისთვის, - ამის შესახებ მთავრობის ადმინისტრაციის რეგიონული პოლიტიკისა და კოორდინაციის სამსახურის ახალმა ხელმძღვანელმა კონსტანტინე ანანიაშვილმა, მთავრობის ადმინისტრაციაში გამართულ ბრიფინგზე განაცხადა.

კონსტანტინე ანანიაშვილმა ხაზი გაუსვა, რომ ის მზად არის, გუბერნატორებთან ერთად, რეგიონებში იმუშაოს ყველა იმ გამოწვევაზე, რაც იქნება დღის წესრიგში, როგორც პანდემიის, ასევე სხვა მიმართულებით.

„აქტიურად ვიმუშაო რეგიონებში გუბერნატორებთან და ადგილობრივი ხელისუფლების წარმომადგენლებთან, რათა ერთობლივად, როგორც ინფრასტრუქტურული პროექტების, ასევე სოციალური მიმართულებით ვიმუშაოთ აქტიურად, ყოველდღიურ რეჟიმში. აქვე, მადლობა მინდა გადავუხადო შინაგან საქმეთა მინისტრს. ჩემთვის პატივი იყო, ვახტანგ გომელაურთან ერთად მუშაობა. ასევე, მადლობა მინდა გადავუხადო ყველა იმ პოლიციელს, რომლებთანაც მრავალი წელი მომიწია მუშაობა.

ასევე, წარმოდგენილია 4 ახალი გუბერნატორი, რომლებიც წარსდგებიან მედიის წინაშე და გააკეთებენ შესაბამის კომენტარებს. მინდა მედიასთან დაკავშირებით განვაცხადო, რომ მე, ყოველთვის, ჩემი მუშაობის პერიოდში, რა პოზიციაზეც მიმუშავია, ყოველთვის მქონდა საჯარო, მეგობრული დამოკიდებულება მედიასთან და დარწმუნებული ვარ, რომ ჩვენი ურთიერთობა იქნება გახსნილი და კომუნიკაბელური.

ჩვენი ძირითადი საქმიანობა იქნება რეგიონებში ყველა ის პრობლემა, რაც დღეს, ჩვენი მოსახლეობის წინაშეა. ეს ეხება, როგორც ინფრასტრუქტურულ პროექტებს, ასევე სოციალური მიმართულებით. მე, ბოლო 5 წლის განმავლობაში მომიწია რეგიონებში მუშაობა სამსახურებრივად და ჩემთვის კარგად ნაცნობია ყველა ის გამოწვევა და პრობლემა, რაც აწუხებთ, როგორც სოფლად, ასევე ქალაქად რეგიონებში“, - აღნიშნა კონსტანტინე ანაიაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს