ჯო ბაიდენი დონალდ ტრამპის სასაზღვრო კედლის პროექტს დაფინანსებას უწყვეტს

აშშ-ის პრეზიდენტმა ჯო ბაიდენმა გააუქმა საგანგებო ეროვნული განკარგულება დონალდ ტრამპის სასაზღვრო კედლის დაფინანსების შესახებ.

BBC-ის ინფორმაციით, ბაიდენმა კონგრესში წერილში გააგზავნა, სადაც აღნიშნულია, რომ განკარგულება "გაუმართლებელი" იყო. პრეზიდენტი ასევე წერს, რომ იგი შეეცდება გადახედოს ყველა რესურსს, რომელიც კედლის მშენებლობისთვის გამოყენებულია.

შეგახსენებთ, აშშ – მექსიკის საზღვარზე კედლის მშენებლობა დონალდ ტრამპის 2016 წლის საარჩევნო კამპანიის ერთ-ერთი დაპირება იყო, თუმცა პროექტს აშშ-ის წარმომადგენელთა პალატის მხრიდან, რომელსაც „დემოკრატები“ აკონტროლებენ, დიდი წინააღმდეგობა შეხვდა და დონალდ ტრამპმა განაცხადა, რომ მშენებლობის დასაფინანსებლად ის საგანგებო უფლებამოსილებას გამოიყენებდა. ყოფილმა პრეზიდენტმა სამხრეთ საზღვართან დაკავშირებით საგანგებო მდგომარეობა 2019 წელს გამოაცხადა, რამაც მას კედლის მშენებლობისთვის სამხედრო სახსრების კონგრესის გვერდის ავლით გამოყენების საშუალება მისცა. ტრამპის პრეზიდენტობის პერიოდში პროექტისთვის დაახლოებით 25 მილიარდი აშშ დოლარი დაიხარჯა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)