ოკუპირებული აფხაზეთის ე.წ. საგანგებო სიტუაციების მართვის სამინისტროს მაშველებმა ოჩამჩირის რაიონში ტყის ორი ხანძარი ჩააქრეს, - ამის შესახებ ინფორმაციას ადგილობრივი მედია ე.წ. სამინისტროს პრესსამსახურზე დაყრდნობით ავრცელებს.

მათივე ინფორმაციით, ხანძარი სოფელ მიკუს და აკუასკიას მიდამოებში გაჩნდა და მისმა საერთო ფართობმა დაახლოებით 8 ჰექტარი შეადგინა.

ე.წ. სამინისტროში აცხადებენ, რომ საფრთხე კერძო საცხოვრებელ სახლებსაც უქმნიდა საფრთხეს.

შეგახსენებთ, ოკუპირებული აფხაზეთის ტერიტორიაზე ტყის ხანძრის კერები გასული წლის დეკემბრიდან დროდადრო სხვადასხვა რაიონში ჩნდება. გასული თვის დასაწყისში შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა განაცხადა, რომ საქართველოს ცენტრალური ხელისუფლება აფხაზეთის დე ფაქტო ხელისუფლებასთან ინტენსიურ კავშირშია და სთავაზობს დახმარებას ხანძრების საწინააღმდეგო სამუშაოებში. ცენტრალური ხელისუფლების განცხადებას დე ფაქტო მთარობაში გამოეხმაურნენ და განაცხადეს, რომ მათ დახმარება არ სჭირდებოდათ.