შალვა პაპუაშვილის განცხადებით, საარჩევნო სისტემასთან დაკავშირებით, მმართველი გუნდი ყველა გონივრულ შენიშვნას გაითვალისწინებს

„ქართული ოცნების“ წევრი, საარჩევნო სისტემაზე მომუშავე სამუშაო ჯგუფის ერთ- ერთი თავმჯდომარე შალვა პაპუაშვილი აცხადებს, რომ მმართველი გუნდი მზად არის ცვლილებებთან დაკავშირებული ყველა გონივრული შენიშვნა გაითვალისწინოს. მისივე თქმით, დოკუმენტის პირველადი ვერსია უკვე შედგენილია და ის „მოქალაქეებსა" და „ქართულ ოცნებას" შორის გაფორმებულ მემორანდუმში ასახული პუნქტების ნორმატიულ ტექსტს წარმოადგენს.

„ჩვენ შემჭიდროვებულ ვადებში ვმუშაობთ, რადგან პირველ მარტს უკვე ინიცირება უნდა მოხდეს კანონპროექტის. დღეს ჩვენ რაც წარმოვადგინეთ, ეს არის მემორანდუმზე დაფუძნებული ნორმატიული ტექსტი, რომელშიც ასახულია მემორანდუმის პუნქტები. დღეს გვექნება მსჯელობა და ყველა შენიშვნა რაც შეიძლება არსებობდეს, რა თქმა უნდა, განხილვის საკითხი იქნება. დარწმუნებული ვარ, საბოლოო ჯამში შევჯერდებით. ვნახოთ, რა შენიშვნები აქვთ, მოწადინებულები ვართ, რომ საბოლოო ჯამში გვქონდეს ისეთი სისტემა, რომელზეც ყველა მეტ- ნაკლებად ვთანხმდებით, რომ არის კარგი სისტემა, ამიტომ ყველა გონივრულ შენიშვნას გავითვალისწინებთ,"- განაცხადა პაპუაშვილმა.

ცნობისათვის, საარჩევნო სისტემასთან დაკავშირებულ პირველად სამუშაო დოკუმენტს არასამთავრობო სექტორი უკვე გაეცნო და მასთან დაკავშირებით შენიშვნები აქვთ, რომელიც ცესკო- ს დაკომპლექტებას, ასევე რადიუსთან დაკავშირებულ საკითხებს ეხება.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა