„ნაციონალური მოძრაობის“ წევრის, გიორგი ხვედელიანის განცხადებით, ნიკა მელია ჩაბარებას არ აპირებს და მის წაყვანას პარტიის ოფისში შეკრებილი ხალხი მშვიდობიან წინააღმდეგობას გაუწევს
„ნაციონალური მოძრაობის“ წევრის გიორგი ხვედელიანის განცხადებით, ნიკა მელია ჩაბარებას არ აპირებს და მის წაყვანას პარტიის ოფისში შეკრებილი ხალხი მშვიდობიან წინააღმდეგობას გაუწევს.
როგორც ხვედელიანმა ჟურნალისტებს განუცხადა, ისინი სამართალდამცველებთან ფიზიკურ დაპირისპირებას არ გეგმავენ.
„ნიკა მელია თავისი ფეხით არ აპირებს ჩაბარებას. ნახეთ რამდენი ადამიანი იყო აქ და უფრო მეტი ადამიანი აპირებს მოსვლას. ნიკა მელია არ აპირებს ამ პროცესზე მიყოლას და ჩაბარებას იმიტომ, რომ ის არის მართალი.
თუ ისინი შემოვლენ და პარტიის შტურმს გააკეთებენ, არ ვიცი და სხვა შემთხვევაში მათ ვერ შეეძლებათ, რომ ნიკა მელია წაიყვანონ. ყველა ტიპის მშვიდობიან წინააღმდეგობას გავუწევთ, იმიტომ, რომ ეს თავიდან ბოლომდე უკანონო გადაწყვეტილებაა“,- განაცხადა ხვედელიანმა.
ცნობისთვის, „ნაციონალური მოძრაობის“ თავმჯდომარის, ნიკა მელიას საქმეზე თბილისის საქალაქო სასამართლოში პროცესი დღეს, 16:00 საათზე ჩაინიშნა. სასამართლო ნიკა მელიასთვის შეფარდებული აღკვეთის ღონისძიების - გირაოს გადასინჯვაზე იმსჯელებს.
v-if="article.gallery" v-html="article.gallery"
