რომან გოცირიძე - ჩვენი ოფისი 9-ბალიან მიწისძვრას უძლებს, მთელი პოლიტიკური კლასი ამ ოფისში იქნება

დააპატიმრებს? საშინელ დარტყმას მიიღებს, არ დააპატიმრებს და დასაცინი გახდება,- ამის შესახებ „ნაციონალური მოძრაობის“ ერთ-ერთმა ლიდერმა რომან გოცირიძემ ტელეკომპანია „პალიტრანიუსის“ გადაცემა „ნიუსრუმში“ ხელისუფლებასთან დაკავშირებით ნიკა მელიას საქმის თაობაზე განაცხადა.

როგორც გოცირიძემ აღნიშნა, უმრავლესობის დეპუტატებმა მელიასთვის უფლებამოსილების შეჩერებით სულიერი ერთობა გააფორმეს. რაც შეეხება ოპოზიციონერ დეპუტატებს, რომელთაც ხმის მიცემისგან თავი შეიკავეს, გოცირიძე ამბობს: „თავის შეკავება იგივე მხარდაჭერაა, ამიტომ ძალიანაც ნუ იკატუნებენ თავს, მაშინ წინააღმდეგ წასულიყვნენ, მაგრამ ვერ გაბედეს“.

„მათ მიიღეს „ქართული ოცნების“ „პოლიტიკური“ ნათლობა. ეს ხალხი მოინათლა. მათ გააფორმეს სულიერი ერთობა და ამ სულიერი ერთობის ფუნდამენტი არის ივანიშვილისადმი მორჩილება. ხომ შეიძლება 51 დეპუტატს მიეცა ხმა ან 87-ს და ერთი მაინც ყოფილიყო განსხვავებული აზრის, მაგრამ მათ თქვეს - ჩვენ ვართ იმ ტრადიციის გამგრძელებელი, რომელიც ჩამოაყალიბა ივანიშვილმა. ინტერესი რა არის? - ან ფული, ან სხვა სახის ინტერესი, რომელიც პარლამენტს ამ ვერტიკალური მართვის სტრუქტურაში აქცევს“,- განაცხადა გოცირიძემ.

ამასთან, რომან გოცირიძის განცხადებით, ნიკა მელიას დაპატიმრების შემდეგ ქვეყანაში დაიწყება ისეთი პროცესები, რომელიც „სახელმწიფოს უღრმეს კრიზისში ჩააგდებს“.

„უმძიმესი რეაქცია მოყვება როგორც ქვეყნის შიგნით, ისე ქვეყნის გარეთ. ეს იქნება ხიდების საბოლოოდ გადაწვა. არანაირი მოლაპარაკება არ იქნება. ერთადერთი გამოსავლი იქნება სასწრაფოდ რიგგარეშე არჩევნების დანიშვნა. არ აქვს მნიშვნელობა, დააკავებენ თუ არა მელიას, ივანიშვილმა გვაჩვენა, ვინ არის ამ ხელისუფლების ბატონ-პატრონი, ეს გვაჩვენა პარლამენტის მორიგი დამცირებით. დავინახეთ რეალური სურათი“,- განაცხადა გოცირიძემ.

რაც შეეხება ნიკა მელიას მხარდამჭერების მხრიდან მისი დაკავებისას მოსალოდნელ წინააღმდეგობას, გოცირიძე აღნიშნავს, „მთელი მსოფლიო დაინახავს, რის გამო აპატიმრებს ივანიშვილი წამყვანი პოლიტიკური პარტიის ლიდერს“.

„ჩვენი ოფისი 9-ბალიან მიწისძვრას უძლებს. მთელი პოლიტიკური კლასი ამ ოფისში იქნება. ამას დიდი სიმბოლური დატვირთვა ექნება“,- განაცხადა გოცირიძემ.

ცნობისთვის, „ნაციონალური მოძრაობის“ თავმჯდომარის, ნიკა მელიას საქმეზე თბილისის საქალაქო სასამართლოში პროცესი დღეს, 16:00 საათზე ჩაინიშნა. სასამართლო ნიკა მელიასთვის შეფარდებული აღკვეთის ღონისძიების - გირაოს გადასინჯვაზე იმსჯელებს.

იხილეთ ვიდეო: ჩვენი ოფისი 9-ბალიან მიწისძვრას უძლებს, მთელი პოლიტიკური კლასი ამ ოფისში იქნება

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი