დავით ზილფიმიანი - ირაკლი ღარიბაშვილის კანდიდატურას მხარს დავუჭერთ

„ევროპელი სოციალისტები" პრემიერ - მინისტრის პოსტზე ირაკლი ღარიბაშვილის კანდიდატურას მხარს უჭერენ. აღნიშნულის შესახებ პარტიის ლიდერმა დავით ზილფიმიანმა ჟურნალისტებთან განაცხადა.

ზილფიმიანის თქმით, მათი მხარდაჭერის ერთ- ერთი მიზეზი არის ის, რომ ღარიბაშვილის პრემიერობის დროს, მათ არ აკრიტიკებდნენ.

ამასთან, ჟურნალისტის დაზუსტებაზე, რომ ეს იქნება პირველი შემთხვევა, როცა ოპოზიცია მთავრობას მხარს დაუჭერს, ზილფიმიანი პასუხობს -"ჩათვალეთ ეს პრეცედენტია".

"მოხარულები ვართ, რომ ჩვენს მოთხოვნაზე სწრაფი რეაგირება მოხდა - ერთი დღეც კი არ დაჭირდა ხელისუფლებას, რომ ახალი კანდიდატურა წარმოედგინა. ჩვენ გვაქვს ღარიბაშვილის მიმართ ჩამოყალიბებული პოზიცია. თუ ჩვენ შევთავაზებთ მის მოღვაწეობას, ასევე იმის გათვალისწინებით, რომ ის ახალგაზრდა ენერგიული კაცია და ძალიან დიდი დრო ჰქონდა კიდევ ერთხელ გადაეფასებინა თავის შესაძლო ქმედებები საკითხებზე, რაც ქვეყანას კიდევ უფრო მეტად წაადგება. მე ვფიქრობ, რომ ამ სიტუაციაში და იმედს ვიტოვებთ, რომ ეს იქნებოდა საუკეთესო არჩევანი. ვნახოთ, დრო გვიჩვენებს. ეს განცხადება ჩვენ გავაკეთეთ იმიტომ, რომ მოვასწარით უკვე ერთმანეთში საუბარი და ირაკლი ღარიბაშვილის კანდიდატურას ჩვენ მხარს დავუჭერთ.

ჩათვალეთ, რომ პრეცედენტია. ჩვენ ვართ ძალიან კონსტრუქციული ოპოზიცია და მხარს დავუჭერთ ირაკლი ღარიბაშვილს იმიტომ, რომ მისი პრემიერ- მინისტრად ყოფნის პერიოდში ყველა დანარჩენ შემთხვევასთან შედარებით გვქონდა ყველაზე ნაკლები კრიტიკა. ამიტომ ეს საკმარისი მიზეზია, რომ მხარი დავუჭიროთ,"- განაცხადა ზილფიმიანმა.

ცნობისთვის, “ქართულმა ოცნებამ" პრემიერ-მინისტრობის კანდიდატად ირაკლი ღარიბაშვილი დაასახელა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა