იან კელი გიორგი გახარიას გადადგომაზე - სწორი ნაბიჯი და სწორი ტონია, მთავრობას სჭირდება დიალოგი ოპოზიციასთან და არა უფრო მეტი დაპირისპირება

საქართველოში აშშ-ის ყოფილი ელჩი იან კელი სოციალურ ქსელში პრემიერ-მინისტრის თანამდებობიდან გიორგი გახარიას გადადგომას ეხმაურება.

„სწორი ნაბიჯი და სწორი ტონი. საქართველოს მთავრობას სჭირდება დიალოგი ოპოზიციასთან და არა - უფრო მეტი დაპირისპირება“, - წერს იგი „ტვიტერში“ და გახარიას განცხადებას აზიარებს გადადგომის შესახებ.

ცნობისთვის, პრემიერ-მინისტრმა გიორგი გახარიამ თანამდებობა დატოვა. როგორც გახარიამ განმარტა, მას გაუმართლებლად მიაჩნია ნიკა მელიას დაპატიმრება იმ პირობებში, როდესაც არსებობს პოლიტიკური ესკალაციის საფრთხე. გახარიას თქმით, გადადგომის მიზეზია ის, რომ აღნიშნულთან დაკავშირებით გუნდთან შეთანხმებას ვერ მიაღწია.

იხილეთ ვიდეო:მთავრობას სჭირდება დიალოგი ოპოზიციასთან და არა უფრო მეტი დაპირისპირება - იან კელი