გიორგი ბარამიძე - დაგინახეთ ბატონო ბიძინა, კუდი აშკარად ჩანს, რომელსაც „ჰაკიმ ფაშა“ ჰქვია, ამიტომ, გამოყავით ახლა თავი და იგრძენით პასუხისმგებლობა

დაგინახეთ ბატონო ბიძინა, კუდი აშკარად ჩანს, რომელსაც „ჰაკიმ ფაშა“ ჰქვია, ამიტომ, ახლა გამოყავით თავი და იგრძენით პასუხისმგებლობა,- ამის შესახებ „ნაციონალური მოძრაობის" ერთ-ერთმა ლიდერმა გიორგი ბარამიძემ ჟურნალისტებს პარტიის ოფისში განუცხადა, რითაც პრემიერ-მინისტრის პოსტზე ირაკლი ღარიბაშვილის ხელმეორედ წარდგენას გამოეხმაურა.

ბარამიძე მიიჩნევს, რომ ქვეყანაში პოლიტიკური კრიზისის დასაძლევად აუცილებელია ვადამდელი საპარლამენტო არჩევნები.

„რაც შეეხება ღარიბაშვილს, ზიზღით და ოპონენტის განადგურების სურვილით სავსე ადამიანს, მასთან დაკავშირებით ჩვენი პოზიცია მოგახსენეთ. ამიტომ, მისი ცვლილებები ე.წ. მინისტრთა კაბინეტში ნაკლებად გვაინტერესებს. ახლა საკითხები წყდება უმაღლეს დონეზე, წყდება ბიძინა ივანიშვილის მიერ და ივანიშვილი უნდა მოეგოს გონს.

მან უნდა იცოდეს, რომ არ გამოუვიდა ეს მორიგი „ტრიუკი“, სოროში ღრმად შეძრომა. დაგინახეთ ბატონო ბიძინა, კუდი აშკარად ჩანს, რომელსაც „ჰაკიმ ფაშა“ ჰქვია, ამიტომ, ახლა გამოყავით თავი და იგრძენით პასუხისმგებლობა, რადგანაც ძალიან მძიმე დღეში ჩავარდებით იმ პასუხისმგებლობის გამო, რაც პირადად თქვენ გაკისრიათ ამ ვითარებასთან დაკავშირებით. ეს მდგომარეობა, რაც დღეს საქართველოშია შექმნილი, მოითხოვს პასუხისმგებლიან გადაწყვეტილებას, თუნდაც თქვენ ეს პასუხისმგებლობა საერთოდ არ იცოდეთ, რა არის, ახლა უკვე უნდა იფიქროთ იმაზე, რომ ძალიან სერიოზულად დაზარალდება თქვენი ინტერესები, როგორც ფინანსური, ისე სხვა ინტერესები.

წარსდგებით პასუხისგების წინაშე, თუ არ დაემორჩილებით ქართველი ხალხის ნებას და თუ ყურად არ იღებთ ჩვენი ყველა მეგობრის რჩევას. რჩევას იმაზე, რომ ქვეყანაში იყოს დიალოგი და არ იყოს ძალმომრეობა“, - განაცხადა ბარამიძემ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)